గుత్తివంకాయ-ఎలుక
--------------------------------
రచన:-గురుమంచి రాజేంద్రశర్మ
ఒక వ్యక్తి ఒక హోటల్ కు లంచ్ చేద్దామని వెళ్ళాడు .
అతనికి ఇష్టమైన గుత్తివంకాయ కూర తో భోజనం చేస్తుండగా వంకాయ ప్లేస్ లో ఒక్క చిన్న చెట్టెలుక వచ్చింది.
అతను దాన్ని తోకతో లేపి కెవ్వున అరిచాడు. అందరూ పొగయ్యారు.వెంటనే హోటల్ యజమాని పరుగెత్తుకొచ్చాడు.
అతనూ, హోటల్ యజమాని వాదించుకోసాగారు.
అది ఎలుక అని అతను, కాదు అది వంకాయ అని హోటల్ యజమాని ఇలా కొద్దిసేపు వాదించుకున్నాక..
అది వంకాయే కావాలంటే చూసుకో! అంటూ హోటల్ యజమాని దాన్ని తీసుకుని చటుక్కున మింగేశాడు.
మరునాడు
ఆ హోటల్ కు ఆ కస్టమర్ మాత్రమే వచ్చాడు కళ్ళలో అత్యంత నమ్మకాన్ని నింపుకొని!!!
✡️✡️✡️
ఈ కథ ద్వారా మనం తెలుసుకోవలసిన రెండు నీతులున్నాయి.
1.తనమీద తనకు నమ్మకం లేని వ్యక్తి తొందరగా మోసపోతాడు.!
2.టెన్షన్లో - భయంలో-ఆపదలో ఉన్న వ్యక్తి యుక్తాయుక్త విచక్షణ కోల్పోతాడు!
✡️✡️✡️✡️✡️
ఓపికగా చదివిన వారికి
ధన్యవాదములతో..
గురుమంచి రాజేంద్రశర్మ.
No comments:
Post a Comment