మన జీవితమే మనకు ముఖ్యం

ఒక వ్యక్తి బ్రహ్మచారిగా  ఉన్నప్పుడు .." ఊ! ఏమిటి నీ ఫ్యూచర్ ప్లాన్స్ ?" అని అడుగుతుంటారు.

ఉద్యోగమో, వ్యాపారమో చేసి ఫైనాన్షియల్ గా సెటిల్ అయ్యాడనుకో! " ఎం సంగతి? పప్పన్నం ఎప్పుడు పెడుతున్నావ్ ?(వివాహం ఎప్పుడు?) అని అడుగుతారు.

వివాహం చేసుకున్నాడనుకోండి!  "పిల్లలు ఎప్పుడు? (ఇంకా పిల్లలు కాలేదా?) అని అడుగుతారు.

ఒక సంతానం కలిగింది అనుకోండి! " రెండో సంతానం ఎప్పుడు ప్లాన్ చేస్తున్నారు? "అని అడుగుతారు

విడాకులు తీసుకుంటే, "ఎందుకు?? "అని అడుగుతారు

మళ్ళీ  జీవితాన్ని ప్రారంభించడానికి ప్రయత్నిస్తే

"ఎందుకు చాలా త్వరగా?? "అడుగుతారు.

పోనీ చేసుకోకుంటే " మళ్ళీ పెళ్లి చేసుకోవా? "అని అడుగుతారు.

సైకిల్ ఉంటే " బండి ఎప్పుడు కొంటున్నావు ? " అని అడుగుతారు. బండి ఉంటే " కారు ఎప్పుడు " అంటారు. కారు ఉంటే "క్రొత్త కారు ఎప్పుడు ?" అంటారు.

లోకం తీరే అంత!! ప్రజలు  ఒక వ్యక్తిని ఉన్నది ఉన్నట్లుగా ఎప్పుడూ ఒప్పుకోరు!! ఇంకేదో కావాలంటారు !!

కానీ , ఒక వ్యక్తి తాను ఉన్న స్థితిని ఎక్సెప్ట్ చేసి ..తన పట్ల తాను సగర్వంగా ఉంటే, ప్రజలు ఏమనుకుంటున్నారో పట్టించుకోడు!!

అలా లేని వారే ఇతరుల గురించి ఆలోచిస్తూ మనసు అశాంతి పర్చుకుంటారు.

ఇది మన  జీవితం..

ఇతరుల మాటలు వినో..ఇతరులతో పోల్చుకునో..తాత్కాలిక సుఖాలకు ఆశపడో.. అనవసర చెత్త ఆకర్షణలకు లోనయ్యో ..జీవితాన్ని గడపడం వల్ల అశాంతి తప్పదు!!

ఇతరుల మాటలు మనకు అనవసరం.మన లోపలి మనసు ఏం చెబుతుందో అదే ముఖ్యం....అలా అది కోరుకున్న విధంగా మనం జీవిస్తూ ఉండాలి ...!

                          ✡️✡️✡️✡️✡️

ఓపికగా చదివిన వారికి
ధన్యవాదములతో..
గురుమంచి రాజేంద్రశర్మ.