నేను మొదట్లో నిర్మొహమాటంగా, ముక్కుసూటిగా.. మాట్లాడడం ,ప్రవర్తించడమే ...కరెక్ట్ అనుకునే వాణ్ణి!
కానీ, అనుభవం మీద " అవతలి వ్యక్తి స్థాయిని బట్టే " మన ప్రవర్తన, మాటలు ఉండాలని క్రమంగా తెలుసుకున్నాను.
నిజానికి ఈ విషయం చిన్నతనం నుండే మనకు తెలుసు కూడా!
చిన్నపిల్లలతో ఒకరకంగా మాట్లాడుతాము!,ప్రవర్తిస్తాము!!
పెద్దవారితో మరో రకంగా!!
పిచ్చివారితో మరోరకంగా!!!
( ఎదిగిన మనిషిలో కూడా పసితనం ఉండవచ్చు! ,పసివయస్సులో కూడా పెద్దరికం ఉండవచ్చు!!...బయటకు కనిపించేవి ముసుగులు మాత్రమే! ఆ ముసుగులు దాటి చూస్తేనే మనం ఎలా ప్రవర్తించాలో తెలుస్తుంది.)
భాగవతం,హరివంశం..వంటివి చదివి కృష్ణుని పరిశీలించిన తర్వాత మరింత అవగాహన కలిగింది.
ఒకే తప్పును కొడుకు చేసినప్పుడు ఒక రకంగా..
తండ్రి చేసినప్పుడు ఇంకో రకంగా..
భార్య చేసినప్పుడు మరో రకంగా
...ఇలా స్థాయిని బట్టి మాట్లాడవలసి వస్తుంది..ప్రవర్తించవలసి వస్తుంది.
ఇలా అవతలి వ్యక్తుల శారీరక,మానసిక,బౌద్ధిక,ఆథ్యాత్మిక,కౌటుంబిక,సామాజిక..etc స్థాయిలను గమనించడం ప్రారంభిస్తే క్రమంగా లోకమంతా అర్థమవుతుంది.
లేకపోతే...
చివరకు "మనం మాత్రమే!"మిగులుతాము.
ఇక్కడ గమనించవలసిన విషయం ఒకటుంది!
అవతలి వారి ప్రవర్తన , మాటలను "మనం మనలాగానే " స్వీకరించాలి.
కానీ, మన మాటలు,ప్రవర్తన అవతలి వారి స్థాయిని బట్టే ఉండాలి.
మొత్తంమీద సారాంశం ఏమిటంటే-
వాడుకోవటమే తెలియాలి!!(మాటలనూ-చేతలను)
గుర్తించాల్సిన విషయమేమిటంటే...
ఎదగడం...అనంతంగా!!!!
✡️✡️✡️✡️✡️
ఓపికగా చదివిన వారికి
ధన్యవాదములతో..
గురుమంచి రాజేంద్రశర్మ.
No comments:
Post a Comment