నెగిటివ్ భావాలను నూరి పోయకుంటే ...

ఇది అసాధ్యం అని ఎవరూ చెప్ప లేదు
----------------------------------------------------

ఒకసారి ఇద్దరు అబ్బాయిలు మంచుపొరలపై ఆడుకుంటున్నారు.

అనుకోకుండా ప్రమాదవశాత్తు ఒక అబ్బాయి మంచుపొర కూలి నిలుచున్నవాడు నిలుచున్నట్లే మంచు అడుగున గల సరస్సులో పడిపోయాడు.

రెండో అబ్బాయి అతన్ని రక్షించడానికి మొదటి అబ్బాయి పడిపోయిన చిన్న రంధ్రం నుండి ప్రయత్నించాడు కాని సాధ్యం కాలేదు.

వెంటనే అతడు చాలా వేగంగా ఒక చెట్టు వద్దకు పరుగెత్తి చాలా పెద్ద సైజులో ఉన్న చెట్టు కాండాన్ని పడగొట్టి దాన్ని ఎత్తుకుని వచ్చి మంచుగడ్డలను పగలగొట్టి ఆ రెండో అబ్బాయిని రక్షించి హాస్పిటల్లో చేర్పించాడు.

తరువాత ప్రమాదం జరిగిన ప్రదేశానికి "అత్యవసర సహాయ విభాగం "వారు వచ్చి ఆ స్థలాన్ని పరిశీలించారు.

అడ్డంగా ఉన్న ఆ చెట్టు కాండాన్ని కొంత మంది కలిసి పట్టి దూరంగా పడవేసారు.

తరువాత ఇలా అన్నారు.

"ఆ అబ్బాయి ఎలాంటి పనిముట్టు లేకుండా ఆ చెట్టు కాండాన్ని విరవడం అసాధ్యం.

దానిని ఒక్కడే మోయడం ఇంకా అసాధ్యం.

దానితో మంచును పగలగొట్టడం మరీ అసాధ్యం.

ఆ అబ్బాయిని రక్షించడం మరీ మరీ అసాధ్యం.

ఇదెలా సాధ్యమైంది?" అన్నారు ఆశ్చర్యంగా.

అప్పుడు అక్కడే ఉన్న ఒక సాధువు" ఇదెలా సాధ్యమైందో నన్ను చెప్పమంటారా?" అన్నాడు.

అందరూ ఒకేసారి "చెప్పండి! ఎలా సాధ్యమైంది?" అన్నారు.

ఆ సాధువు ప్రశాంతంగా ...

''ఆ అబ్బాయికి 'నీకిది సాధ్యం కాదు - నీ విది చేయలేవు - ఇది అసాధ్యం ' అనే నెగిటివ్ మాటలను ఎవరూ బోధించలేదు. అందుకే ఇది సాధ్యమైంది!"

అని మెల్లగా నడిచి వెళ్లిపోయాడు ఆ సాధువు.

నీతి: -

బాల్యం నుండి నెగిటివ్ విషయాలు బోధించబడకుంటే ఎవరైనా ఏదైనా సాధించగలరు.

               ధన్యవాదములతో

           గురుమంచి రాజేంద్రశర్మ