అతివిద్య - (హాస్యగుళికలు)

   ఒక నిరక్షరాస్యుడైన తండ్రి , పొలంలో కోసి సిద్ధపరిచిన ధాన్యపు కుప్పలకు  ఒక రాత్రి కాపు కాయడం కోసం, బాగా చదువుకున్న తన కొడుకును తోడుగా తీసుకెళ్లాడు.

వారు ఒక డేరా (టెంట్) ఏర్పాటు చేసుకుని అందులో కొంత సేపు కాపు కాసిన తరువాత మెల్లగా నిద్రలోకి జారుకున్నారు.

అర్ధరాత్రి తరువాత, తండ్రి తన కొడుకును నిద్ర లేపాడు.

తండ్రి :- " ఒరేయ్ ! పైకి చూడూ! ఏం కనిపిస్తుంది."

కొడుకు:- " అందమైన వినీలాకాశం. మిలమిల మెరిసే నక్షత్రాలు ."

తండ్రి :- " సరిగ్గా చూడూ ! ఏం చెబుతున్నాయి అవి ? "

కొడుకు:-  " ఖగోళశాస్త్ర రీత్యా..
అనేక గెలాక్సీలు, లక్షలాది నక్షత్రాలు, మన భూమి లాంటి అనేక కోట్ల గ్రహాలు , అలాగే చంద్రుని లాంటి కోటానుకోట్ల ఉపగ్రహాలు ఈ విశ్వంలో ఉంటాయి. ఈ విశ్వంలో మన భూమి ఒక చిన్న పరమాణువు లాంటిది."

తండ్రి విపరీతమైన కోపంతో తన కొడుకును గట్టిగా చరిచి .....

" ఇడియట్,
తెలివి లేదా?
ఎవరో మన టెంట్ ను దొంగిలించారు. అర్థం కావడం లేదా!" అన్నాడు. !!!

నీతి: -

అతి విద్య, అతి భావుకత్వం కూడా ఒక్కొక్కసారి కామన్ సెన్స్ నూ- కాన్సియస్ నెస్ ను తగ్గించి, అభివృద్ధిని నిరోధించవచ్చు!